Ert þú týpan sem finnur fyrir kulda í gönguskóm á löngum göngum? Ertu í þrennum ullarsokkum bara til að reyna að halda hita? Eða ertu kannski komin/n á það að hætta við gönguferðir þegar hitastigið fer undir 0°C?
STOP. Ekki gera það!
Kuldinn sem við finnum á göngu þegar hitastigið fer að lækka kemur oft frá skósólanum. Kuldinn leiðir upp frá yfirborðinu sem við göngum á, t.d. jöklum eða snjó, í gegnum skósólann og beint upp í lappirnar. Oft er manni heitt ofaná ristunum en ískalt undir iljunum. Við þessu er hins vegar gott ráð og það er að skipta um innlegg og notast við svokölluð ullarinnlegg!
![](https://usercontent.one/wp/www.afstad.com/wp-content/uploads/2023/11/PXL_20231109_174114289-768x1024.jpg?media=1704285148)
![](https://usercontent.one/wp/www.afstad.com/wp-content/uploads/2023/11/PXL_20231109_174127193-768x1024.jpg?media=1704285148)
Ullarinnleggin eru gerð úr blöndu ullar og pólýesters og eru þunn og mjúk. Þau henta því mjög vel inn í allar tegundir af skóm, t.d. í gönguskó. Innleggin eru einnig ódýr og kosta um 2.000kr í flestum skóverslunum og eru versluð eftir skóstærð.
Á öllum vandamálum eru til lausnir og hér er ein sem nýtist vel á köldum dögum. Njótum vetrarins sem framundan er!