Það er mígandi rigning og það bætir í vind. Við erum stödd upp á fjalli og ekki á því að láta smá bleytu stoppa okkar! Förum í bakpokann okkar og drögum fram skelina, jakkann og buxurnar og á núll einni erum við orðin tiltölulega vatnsheld og tilbúin í framhaldið. Hettan upp, bakpokinn á bakið og stafir í hendur…en hvað með þær…það stefnir allt í að vettlingarnir okkar blotna í gegn, puttarnir verða kaldi og það mun reynast ansi erfitt að grípa vel um stafina.
…og þá kemur viðfangsefnið okkar að góðum notum. Skel sérstaklega hugsuð yfir vettlinga!
![](https://usercontent.one/wp/www.afstad.com/wp-content/uploads/2021/03/mitts_palm_l.jpg?media=1704285148)
Þessi fyrirferðalitli bjargvættur okkar getur skipt sköpum þegar veðrið er blautt og hvasst. Skelin virkar eins og hver önnur skel, við förum í lúffurnar yfir vettlingana okkar og höldum þannig puttum þurrum og hlýjum áfram, þrátt fyrir rigninguna. Efnið er sem fyrr vatnshelt og vindhelt og koma lúffurnar í mismunandi stærðum. Við mælum með því að máta yfir aðra vettlinga, eins og við myndum gera með skel jakka eða buxur.
![](https://usercontent.one/wp/www.afstad.com/wp-content/uploads/2021/03/outdoor-research-endeavor-mitt-spotlite-review-1.jpg?media=1704285148)
Lúffurnar eru hugsaðar til að nota yfir annað þar sem þær sjálfar búa ekki til mikinn hita. Eins og með annan skelfatnað er mikilvægt að hugsa fyrirfram og fara í skelina áður en innra lagið undir blotnar mikið. Við myndum ekki standa lengi úti í rigningu í dúnjakka og leyfa honum að blotna án þess að henda yfir okkur vatnsheldum jakka er það nokkuð…? Það sama gildir með vettlinga og lúffur. Förum strax í skelina yfir þegar aðstæður krefjast þess.
Eins og fyrr segir koma þessar lúffur í mismunandi stærðum og því gott að máta til. Þær fást í flestum útivistarverslunum, t.d. í Ölpunum, eru þunnar og fyrirferðalitlar og ættu að vera með okkur í öllum komandi ferðum í vetur og vor.
Tjékkið á þessu!