Kerlingarfjöll

24.900 kr.

2022 dagsetningar:
– 9. júlí
– 20. ágúst

Boðið er upp á sérferðir fyrir hópa – sendu fyrirspurn á info@afstad.com

Category:

Description

Hið dásamlega svæði Kerlingarfjalla tekur á móti okkur með opnum örmum þegar við heimsækjum það hverju sinni. Þetta er ein af perlum landsins, með sína sterku liti, fallegu tinda og útsýni sem svo margir sækjast eftir. Já og myndastaðirnir, ekki má gleyma þeim…við vitum um þá bestu!

Gengið verður á vinsælustu tinda svæðisins, Fannborg (1428m), Snækoll (1488m) og Snót (1446m) þaðan sem útsýnið blasir við manni til allra átta. Athugið að í þessari ferð er ekki gengið á tind Loðmunds og því hentar ferðin líka þeim sem finna fyrir lofthræðslu.
Leiðin niður af toppunum og til baka að Ásgarði, þar sem rútan mun bíða okkar, liggur í gegnum hina margrómuðu Hveradali þar sem orka náttúrunnar sýnir sínar bestu hliðar.

Farið er að morgni frá Reykjavík og keyrt upp í Kerlingarfjöll þar sem gangan mun hefjast um kl. 11. Komið er aftur í rútu um kl. 18, teygt á þreyttum vöðvum og haldið síðan heim.
Göngulengdin er um 12km með um 900m heildarhækkun. Gangan tekur að öllu jöfnu um 7 klst. Þetta er frábær ferð fyrir alla þá sem treysta sér í lengri göngudag.

 

Nánari upplýsingar eru veittar með tölvupósti á netfanginu info@afstad.com eða í síma okkar 790 2800.
Hægt er að bóka sæti án rútuferðar. Tilgreina þarf það við bókun.

Innifalið:
– Leiðsögn
– Rúta

Verð : 24.900kr. (16.900kr. án rútu)

Greitt er 7.000kr. í staðfestingargjald við skráningu og telst þá sæti vera frátekið.
Greitt er 17.900kr. í lokagreiðslu eigi síðar en fjórum vikum fyrir brottför.
Sendur er reikningur á þátttakendur og telst sæti frátekið þegar hann er greiddur.
Nánari upplýsingar um útbúnað, fyrirkomulag og dagskrá eru sendar með staðfestingarpósti.

Ferðaskilmálar

Vertu í bandi – spurðu – komdu með!